మొండి 8 ఇంకొన్ని అడుగులు
telugu stories kathalu novels మొండి 8 ఇంకొన్ని అడుగులు
నేరుగా వెళ్లి ఆఫీస్ లో ఉన్న రవి సార్ ని కలిసాడు.
" హే ! వీరు రా నాన్నా "
" సార్ " అని వీరు ఇంకో మాట మాట్లాడే లోపల అందుకున్నాడు రవి సార్
" అర్జెంట్ గా మనం బయటికి వెళ్ళాలి "
" లక్డి కపూల్ కే కదా సార్ "
" కాదు ! అంతకన్నా వేరే ఇంపార్టెంట్ ప్లేస్ కి "
వీరు కి కొత్త కన్ఫ్యూషన్ , మరి కొంత ఎక్సయిట్మెంట్. పోనీలే అని రెడీ అయ్యాడు.
" నీకు బండి వచ్చా "
" అంతగా నడపడం రాదు సార్ " అని సమాధానం ఇచ్చాడు వీరు.
" నేర్చుకో వీరు. మనకి చాలా పని ఉంటుంది"
" అవును సార్ అర్జెంట్ గా నేర్చుకోవాలి " అని సమాధానం ఇచ్చాడు.
ఇద్దరూ కలిసి బైక్ లో పోతున్నారు. బండిలో పోతూ ఉండగా రవి సార్ రకరకాల కబుర్లు చెబుతున్నాడు. మధ్యలో
" అవును ! వీరు. నువ్వు ఇలా పోలీస్ ఆఫీసర్ దగ్గరికి వెళ్తున్నట్టు ఎవరికైనా చెప్పావా ?"
"లేదు సార్ "
" సరిగ్గా చెప్పు ! ఈ వయసులో అంత ఎక్సయిట్మెంట్ ని ఎవ్వరూ ఆపుకోలేరు "
" ఎక్కడ సార్. చెప్పుకోవడానికి కూడా టైం ఉంటే కదా "
" కాదు కాదు. నువ్వు దివ్య కి ఏమన్నా చెప్పావా ?"
కరెంటు షాక్ కొట్టినట్టు అలానే కొయ్యలా ఉండిపోయాడు వీరు కాసేపు షాక్ అయ్యాడు.
" సార్. దివ్యతో ఒక్క సారే మాట్లాడాను. అది కూడా మీ టాపిక్ గుర్తొచ్చినప్పుడల్లా మాట చెప్పకుండా ఆపుకున్నాను కూడా "
" లేదు వీరు. దివ్య కి నువ్వు ఎక్కడ కెళ్ళావు ఏమి జరిగిందో తెలుసు "
వీరు కి ఇక ఏం మాట్లాడాలో తెలియడం లేదు. ఎందుకంటే దివ్య ని కలిసినప్పుడు చెప్పాలి అని అనుకున్నా తనని తాను బాగా కంట్రోల్ చేసుకున్నాడు. మరి ఈ విషయం బయటికి ఎలా వచ్చిందా అని ఆలోచనలో పడ్డాడు.
" నీ వాళ్లలోనే నీ గురించి స్కూప్ చేస్తున్న వాళ్ళు ఉంటారు. నాకు తెలిసి నువ్వు చెప్పి ఉండవు వీరు . బట్ జాగ్రత్త "
వీరు సైలెంట్ గా వింటున్నాడు.
" ఇంకో మాట . ఈ వయసులో ఎక్ససిట్మెంట్ బానే ఉంటుంది. పిచ్చోడిని కలిసినా పేస్ బుక్ లో పది మందికి చెప్పాలని అనిపిస్తుంది. కానీ , నువ్వు ఇప్పుడు కలుస్తోంది అతి పెద్ద నెట్వర్క్